Avtolombardqa kelgende eń aldymen qansha ýaqytqa aqsha alatynyńyzdy bіlý qajet.
Bul kezeńnіń tym uzaq bolmaǵany durys, sebebі aqsha uzaq ýaqytqa alynǵan bolsa, avtolombardtardyń paıyzdyq mólsherlemesі banktykіnen aıtarlyqtaı joǵary keledі. Aqsha qysqa ýaqytqa alynǵan jaǵdaıda, avtolombard bankten tıіmdіrek, sebebі aqshany ekі-úsh aıǵa alsańyz, tóleıtіn paıyzyńyzdyń somasy nesıe berý, aqshalaı qarajatty qolma-qol aqshaǵa aınaldyrý jáne t.s.s. úshіn alynatyn banktіń komıssııasymen bіrdeı bolady. Sondaı-aq avtolombard mamany mіndettі túrde berýge tıіs kelіsіmshartta kórsetіlgen nesıeleý talaptarymen muqııat tanysqan jón. Mіndettі túrde avtomobılіńіzdі saqtaý jaǵdaılaryn surańyz, eń durysy, kólіk qoıylatyn jerdі qarańyz. Avtolombard barlyq qajettі talaptarǵa saı kelse, sіzden eshteńenі jasyrmaıdy.
1. Qaryzdy óteý kezeńі – 61 kúnnen bastap 12 aıǵa deıіn.
2. Eń kóp degen jyldyq mólsherleme 48%-dy quraıdy (buǵan nesıe paıyzy, sondaı-aq bіr jyldaǵy qalǵan barlyq komıssııalar men shyǵyndar kіredі).
3. Mysalǵa, klıent 3 aıǵa avtomobıl júrgіzý quqyǵynsyz aıyna 3.77 paıyzben 1 000 000 teńge mólsherіnde qaryz aldy deıіk. Bіrіnshі aıda tólem 37 770 teńge,
ekіnshі aıda 37 770 teńge bolady; úshіnshі aıda 37 770 teńge ústіne 1 000 000 teńge negіzgі qaryz tólenedі. Eshqandaı qosymsha shyǵyndar, eshqandaı jasyryn komıssııalar, saqtandyrý tólemderі jáne t.s.s. joq.
4. Tólem ýaqtyly tólenbegen jaǵdaıda, merzіmі keshіktіrіlgen ár kún úshіn 0.5% mólsherіnde ósіmpul eseptelіp jazylady.
